For the ones who can read some papiamento a copy from La Prensa - with names mentioned, clearly new policy of the local news papers who have not done that till a few weeks ago. In the houses stolen scooters and parts of scooters have been found also. They arrested also a person (the last paragraph) for break in in houses. Boneiru: SOLUSHON PA KASO DI ATRAKO KRALENDIJK – Polis a hasi atrobe un bon trabou, resolviendo e kaso di atrako ku a tuma lugá resientemente riba esposa di e dońo di Garden Café, kende tabata kompańá na e momentu ei pa algun otro persona. Tres tipo riba skuter a kometé e atrako. Ayera tardi alto komisario Gerold Daantje, kompańá pa fiskal mr. Ernst Wesselius, a duna detaye-nan di e kaso aki na prensa. Segun Daantje, djaluna atardi algu pasá di shet’or di mainta, e unidat di 0-Toleransia a subi kaya pa listra na tres diferente kas, relashoná ku e kaso aki. Na mes momentu a realisá detenshon tambe di e tres personanan sospe-chá di e kometé e atrako aki den oranan lat di anochi, despues ku e restorant en kestion a kaba sera su porta. E kasnan ku a listra tabata den Kaya Mohikano, Kaminda Guru-bú, Kibra’i Montańa i tambe un kas situá den e bario Den Tera. A konfiská diferente parti di skuter ku a ser hňrtá. Entre e skuternan aki tabatin esnan usá den e kaso di atrako. Loke ta importante ta e echo ku den listramentu di e kasnan aki a topa tambe artíkulonan di balor ku e persona atraká tabatin huntu kuné e anochi ei. Esaki sin duda ta un kargo pisá pa e sospecho-sonan, ku un sierto momentu no por a hasi otro ku di atmití ku nan a kometé e atrako. E personanan detené ta di edatnan hóben, esta R.J. Martijn, G.J. Theodora i Boezem. Fiskal Ernst Wesselius di su parti a bisa ku nan a hinka hopi energia den e kaso aki pa yega na un solushon, despues ku algun tempu promé e kaso di atrako na Sabadeco a tuma hopi tempu di polis. Segun Wesselius, loke e ta ha-ńa tristu ta ku den tur e dos kaso-nan aki ta trata di sospechosonan boneriano ku a keda detené i no yunan di Kňrsou, manera e impre-shon tabata na promé instante. Manera ta parse, e tres tiponan detené ta embolbí den un negoshi formal di skuter i piesa di skuter prosedente di ladronisia. Alto komisario Daantje a splika ku den e listramentu ku a tuma lugá na Kaya Mohikano, un hňmber a trata na stroba polis di hasi investigashon. A detené e persona aki, pero despues a lag’é bai. Tambe Daantje a bisa ku polis ta trahando duru pa solushoná diferente otro kaso di ladronisia ku a tuma lugá último tempu. No mas ku ayera mčrdia a listra den un kas na Kaya Karańitu, kaminda a detené R.P. Engelhardt, relashoná ku kiebro i ladronisia kometé den un kas.
|